بھارتی جارحیت کے سائے، راولپنڈی میں مکمل بلیک آؤٹ!

راولپنڈی کی فضاؤں پر سیاہ بادل چھا گئے، جہاں بھارتی جارحیت اور سیکیورٹی خدشات کے پیش نظر شہر کی تمام نجی ہاؤسنگ سوسائٹیز میں مکمل بلیک آؤٹ کے احکامات جاری کر دیے گئے ہیں۔ انتظامیہ کی جانب سے جاری ہونے والے حکم نامے میں کہا گیا ہے کہ شام 7 بجے سے صبح 5 بجے تک علاقے میں روشنی کا کوئی نشان باقی نہیں رہے گا۔ اسٹریٹ لائٹس مکمل طور پر بند رکھی جائیں گی، جبکہ رہائشی اپنے گھروں کے باہر اور پورچ وغیرہ کی لائٹس بند رکھنے کے پابند ہوں گے۔ شہریوں کو ہدایت کی گئی ہے کہ وہ اپنے گھروں اور دفاتر کی کھڑکیاں مکمل طور پر کور کر رکھیں تاکہ کوئی بھی روشنی باہر نہ جا سکے، اور گھروں میں محدود روشنی کا استعمال کریں.