کم عمری کی شادی کو جرم قرار دینے کا بل سینیٹ سے منظور، بچوں کے حقِ تحفظ میں تاریخی پیش رفت!

قومی اسمبلی نے کم عمر شادیوں پر پابندی کا بل متفقہ طور پر منظور کر لیا
پاکستان کے سینیٹ نے ایک اہم بل منظور کیا ہے جس کے تحت 18 سال سے کم عمر بچوں کی شادی کو جرم قرار دیا جائے گا۔ اس قانون کا مقصد کم عمر شادیوں کو روکنا اور بچوں کو تعلیم و تحفظ فراہم کرنا ہے تاکہ ان کے حقوق کا تحفظ ممکن ہو سکے۔ بل کے مطابق، 18 سال سے کم عمر لڑکی یا لڑکے کی شادی کرانے والے والدین یا ذمہ داران کو قید اور بھاری جرمانے کی سزا دی جائے گی۔ اس قانون سے پاکستان میں کم عمری کی شادی کے خلاف سخت کارروائی کا راستہ ہموار ہوگا، جو خاص طور پر لڑکیوں کی صحت، تعلیم، اور آزادی کے لیے نہایت اہم ہے۔ تاہم، اس بل کی منظوری پر کچھ مذہبی جماعتوں نے تحفظات کا اظہار کیا ہے، لیکن انسانی حقوق کی تنظیمیں اس قانون کو خوش آئند قرار دے رہی ہیں۔