اداکارہ صنم سعید اور محب مرزا کے ہاں جلد ننھے مہمان کی آمد متوقع

معروف پاکستانی اداکارہ صنم سعید نے مدرز ڈے کے موقع پر اپنی زندگی کی ایک بڑی خوشخبری کا اعلان کیا ہے۔ انہوں نے سوشل میڈیا پر اپنی بچپن کی یادگار تصاویر شیئر کرتے ہوئے بتایا کہ وہ ماں بننے والی ہیں۔ صنم نے اپنی والدہ کے لیے ایک جذباتی پیغام میں کہا کہ وہ اپنی ماں کی بے لوث محبت اور حفاظت پر شکر گزار ہیں، اور دعا گو ہیں کہ وہ بھی اتنی ہی مضبوط اور مہربان ماں بن سکیں ۔
یاد رہے کہ گزشتہ برس صنم سعید نے ساتھی اداکار محب مرزا کے ساتھ اپنی شادی کا اعتراف کیا تھا۔ محب مرزا صنم سے قبل اداکارہ آمنہ شیخ کے ساتھ رشتہ ازدواج میں منسلک تھے جن سے ان کی ایک بیٹی بھی ہے۔

صنم سعید ان دنوں نیٹ فلکس اردو کے بڑے پراجیکٹ ’جو بچے ہیں سنگ سمیٹ لو‘ میں مرکزی کردار ادا کر رہی ہیں ۔
ایکسپریس اردو

مداحوں اور شوبز انڈسٹری سے وابستہ شخصیات کی جانب سے اس خوشخبری پر صنم سعید اور محب مرزا کو مبارکبادیں دی جا رہی ہیں۔ سب ان کے لیے نیک تمناؤں کا اظہار کر رہے ہیں