“بھارتی فوج کی وضاحت: پاک بھارت جنگ بندی کی کوئی معیاد ختم نہیں، آج کوئی بات چیت طے نہیں!”
بھارتی فوج نے پاک بھارت جنگ بندی کے حوالے سے پھیلائی جانے والی افواہوں کی سختی سے تردید کی ہے کہ 18 مئی کو جنگ بندی کا معاہدہ ختم ہو رہا ہے۔ بھارتی نیوز ایجنسی اے این آئی کی رپورٹ کے مطابق کچھ میڈیا ہاؤسز نے یہ غلط رپورٹنگ کی تھی کہ آج پاک بھارت کے درمیان جنگ بندی کی معیاد ختم ہو رہی ہے اور ڈی جی ایم او سطح پر بات چیت متوقع ہے۔
تاہم بھارتی فوج نے واضح کیا ہے کہ پاک بھارت ڈی جی ایم اوز کے درمیان آج کوئی ملاقات یا بات چیت نہیں ہو رہی اور جنگ بندی معاہدے کی کوئی معیاد مقرر نہیں کی گئی ہے۔ جاری کردہ بیان میں کہا گیا ہے کہ 12 مئی کو طے پانے والے کشیدگی ختم کرنے کے تسلسل کی کوئی معیاد ختم ہونے کی تاریخ موجود نہیں۔
یہ بیان اس وقت سامنے آیا ہے جب خطے میں امن کی کوششوں کو مستحکم بنانے کی ضرورت محسوس کی جا رہی ہے اور دونوں ممالک کے تعلقات میں نرمی کے آثار نظر آ رہے ہیں۔ فوجی ذرائع نے کہا ہے کہ جنگ بندی معاہدے کی میعاد ختم ہونے کی کوئی حقیقت نہیں اور یہ معاہدہ امن کے لیے ایک اہم سنگ میل ہے۔“آزادیٔ اظہار یا قومی سلامتی؟ انڈین پروفیسر پاکستان مخالف سوشل میڈیا پوسٹس پر گرفتار!”
