بھارت کی “اڈانی، امبانی اور مودی” تکون ٹوٹنے کے قریب — فواد چوہدری کا ٹرمپ کو خراجِ تحسین

سابق وفاقی وزیر فواد چوہدری نے سوشل میڈیا پلیٹ فارم “ایکس” پر اپنے ایک ٹویٹ میں کہا کہ بھارت میں “اڈانی، امبانی اور مودی” کی تکون اپنے انجام کو پہنچ رہی ہے، اور امریکی صدر ڈونلڈ ٹرمپ نے ان کے ساتھ وہی کیا ہے جس کے وہ حقدار تھے۔

فواد چوہدری نے اپنے بیان میں کہا کہ بھارت شدید گھبراہٹ کا شکار ہے، جبکہ واشنگٹن میں بھارتی لابی بوکھلاہٹ میں یہ سمجھ نہیں پا رہی کہ کیا کرے۔ ان کے مطابق صدر ٹرمپ داد کے مستحق ہیں کہ انہوں نے ان “چالاکوں” کو اسی انداز سے سبق سکھایا، جس کے وہ اہل تھے۔

یہ بیان اس وقت سامنے آیا جب امریکی صدر ڈونلڈ ٹرمپ کی جانب سے بھارت کے خلاف مسلسل سخت بیانات سامنے آ رہے ہیں۔ ٹرمپ نے نہ صرف بھارت پر سیاسی دباؤ بڑھایا بلکہ تجارتی محاذ پر بھی سخت موقف اپنایا ہے۔ حالیہ اقدام میں انہوں نے بھارتی مصنوعات پر 50 فیصد ٹیرف عائد کر دیا ہے، جو دونوں ممالک کے تجارتی تعلقات میں مزید تناؤ پیدا کرنے کا باعث بن رہا ہے۔

فواد چوہدری کا یہ تبصرہ اس تاثر کو مضبوط کرتا ہے کہ امریکہ اور بھارت کے تعلقات ایک نازک مرحلے میں داخل ہو چکے ہیں، اور بھارت کے اندرونی و بیرونی چیلنجز میں اضافہ ہو رہا ہے۔ خاص طور پر “اڈانی، امبانی اور مودی” کی وہ بااثر کاروباری-سیاسی مثلث، جو طویل عرصے سے بھارتی پالیسیوں پر گہرا اثر ڈال رہی تھی، اب عالمی سطح پر سخت مخالفت اور دباؤ کا سامنا کر رہی ہے۔

“روس کا تیل سب خرید رہے ہیں، مگر نشانہ صرف بھارت کیوں؟”