“پہلگام واقعہ: بھارت کی نئی چال یا پرانی روش؟ پاکستان نے دشمن کی سازش کو بےنقاب کر دیا۔”
پاکستان فوج نے پہلگام واقعے کو بھارت کی ایک منظم اور سوچی سمجھی حکمت عملی قرار دیا ہے، جس کا مقصد پاکستان کو اس کی مغربی سرحد پر پیش رفت اور معاشی بحالی کی کوششوں سے ہٹانا ہے۔
راولپنڈی میں ہونے والی کور کمانڈر کانفرنس کے بعد جاری اعلامیے میں واضح کیا گیا کہ بھارت دہشت گرد پراکسیوں کو تحفظ دے کر پاکستان کو غیر مستحکم کرنا چاہتا ہے، لیکن اس کے یہ ہتھکنڈے کبھی کامیاب نہیں ہوں گے۔
فورم نے انڈیا کی جارحانہ پالیسیوں، لائن آف کنٹرول پر سویلینز کو نشانہ بنانے اور پانی کے حقوق پر حملے جیسے اقدامات کو علاقائی استحکام کے لیے خطرہ قرار دیا۔
پاکستانی فوج نے اس عزم کا اعادہ کیا کہ اگر جنگ مسلط کی گئی تو پاکستان پوری قوت سے جواب دے گا، اور قوم کی امنگوں کا ہر حال میں تحفظ کیا جائے گا۔
چیف آف آرمی اسٹاف جنرل عاصم منیر نے افواجِ پاکستان کی تیاری، حوصلے اور پیشہ ورانہ مہارت کو سراہا اور واضح کیا کہ ملک کا دفاع ہر قیمت پر یقینی بنایا جائے گا۔
پہلگام واقعہ پاکستان کے خلاف سازش
سندھ طاس معاہدے پر بھارتی حملے کی کوشش
بھارتی پراکسی دہشتگردی پر شدید تشویش
پاکستان کی خودمختاری کا مکمل دفاع
فوج کی ہمہ وقت چوکسی اور تیاری پر اعتماد
