سوشل میڈیا پر فعال شخصیت ثنا یوسف کے اندوہناک قتل نے ملک بھر کو ہلا کر رکھ دیا تھا، اور اب اس کیس میں ایک بڑی پیش رفت سامنے آئی ہے۔ تفتیشی اداروں کی جانب سے جاری کردہ تصویر میں اس شخص کی واضح جھلک دیکھی جا سکتی ہے جس پر ثنا یوسف کے قتل کا شبہ ہے۔
ذرائع کے مطابق، یہ تصویر سی سی ٹی وی فوٹیج اور موبائل ڈیٹا کی مدد سے حاصل کی گئی، جسے قانون نافذ کرنے والے اداروں نے چند مشتبہ افراد کی شناخت کے بعد شارٹ لسٹ کیا تھا۔ جیسے ہی یہ تصویر سوشل میڈیا پر وائرل ہوئی، عوام میں شدید ردعمل دیکھنے میں آیا۔ شہریوں نے قاتل کی فوری گرفتاری کا مطالبہ کرتے ہوئے سوشل میڈیا پر “JusticeForSanaYousaf#” کے ہیش ٹیگ کو ٹرینڈ بنا دیا۔
پولیس کا کہنا ہے کہ تصویر میں نظر آنے والا شخص اہم مشتبہ ہے، اور اسے جلد از جلد گرفتار کرنے کے لیے مختلف مقامات پر چھاپے مارے جا رہے ہیں۔ تفتیشی افسران نے عوام سے بھی اپیل کی ہے کہ اگر کسی کو اس شخص کی شناخت یا موجودگی سے متعلق کوئی معلومات ہوں تو فوری طور پر پولیس سے رابطہ کریں۔
دوسری جانب، انسانی حقوق کے کارکنوں اور سول سوسائٹی کی جانب سے اس کیس کو ٹیسٹ کیس قرار دیا جا رہا ہے۔ ان کا کہنا ہے کہ اگر اس قاتل کو کیفرِ کردار تک نہ پہنچایا گیا تو معاشرے میں خواتین کے خلاف جرائم کے خلاف جدوجہد کو شدید دھچکا پہنچے گااسلام آباد کے پوش علاقے G-13 میں 17 سالہ ٹک ٹاکر ثنا یوسف کی سالگرہ پر سفاکانہ قتل، سوشل میڈیا اور عوام میں غم و غصے کی لہر۔۔
