“سیلاب کی تباہ کاریوں کے بعد بحالی حکومت کی اولین ترجیح ہونی چاہیے۔”

خیبر پختونخوا کے وزیراعلیٰ علی امین گنڈاپور نے کہا ہے کہ سیلاب متاثرین کی امداد اور بحالی وفاقی حکومت کی آئینی اور اخلاقی ذمہ داری ہے۔ ان کا کہنا تھا کہ حالیہ بارشوں اور سیلاب سے شدید نقصان ہوا ہے، جس کے بعد متاثرہ علاقوں میں فوری مدد پہنچانا نہایت ضروری ہے۔ وزیراعظم سے ملاقات کے دوران انہوں نے سیلاب زدگان کی صورتحال پر تفصیلی بات کی، جس پر وزیراعظم نے بھرپور تعاون کی یقین دہانی کرائی۔

علی امین گنڈاپور نے کہا کہ متاثرہ علاقوں میں گھروں، فصلوں اور بنیادی ڈھانچے کو پہنچنے والے نقصانات کا فوری ازالہ ضروری ہے تاکہ عوام کو مزید پریشانیوں سے بچایا جا سکے۔ ان کا کہنا تھا کہ وفاقی اور صوبائی حکومتوں کو مل کر کام کرنا ہوگا تاکہ امدادی کارروائیاں مؤثر اور بروقت ہوں۔

انہوں نے مزید کہا کہ وہ ذاتی طور پر امدادی سرگرمیوں کی نگرانی کر رہے ہیں اور متعلقہ اداروں کو ہدایت دی گئی ہے کہ ہر ممکن وسائل بروئے کار لا کر متاثرہ افراد تک ریلیف پہنچایا جائے۔ سیلاب سے متاثرہ افراد کی بحالی، مالی امداد، اور انفراسٹرکچر کی تعمیر نو میں وفاقی حکومت کا عملی کردار وقت کی اہم ضرورت ہے۔“پاک فوج نے خیبر پختونخوا میں سیلاب متاثرین کے لیے ایک دن کی تنخواہ اور راشن عطیہ کیا”