لاہور میں سوشل میڈیا پر فعال اور جانی پہچانی شخصیت ثناء یوسف کے قتل نے پورے ملک کو ہلا کر رکھ دیا تھا۔ اب اس ہولناک واقعے کی تہہ سے پردہ اٹھ چکا ہے۔ تحقیقات کے مطابق، ٹک ٹاکر کاکا نے ثناء یوسف کو قتل کیا۔ مجرم کو پولیس نے اٹک سے گرفتار کر لیا ہے۔
ذرائع کے مطابق، کاکا نامی یہ شخص ثناء یوسف کو پسند کرتا تھا اور اسے بار بار اپنی “پسندیدگی” کا اظہار بھی کرتا رہا، مگر ثناء نے اس میں کوئی دلچسپی ظاہر نہیں کی۔ اس یک طرفہ محبت نے جلد ہی ایک خطرناک جنون کی شکل اختیار کر لی، جس کا انجام قتل کی صورت میں سامنے آیا۔
پولیس ذرائع کا کہنا ہے کہ قاتل واردات کے بعد فرار ہو گیا تھا، تاہم مسلسل نگرانی، ڈیجیٹل ٹریسنگ، اور مخبر کی اطلاع پر اٹک کے مضافات سے اسے گرفتار کر لیا گیا۔ گرفتاری کے وقت ملزم نے اعترافِ جرم بھی کر لیا۔
قاتل کے سوشل میڈیا اکاؤنٹس کو بھی تفتیشی ٹیم نے تحویل میں لے لیا ہے، جہاں سے متعدد ایسے پیغامات اور ویڈیوز ملے ہیں جن سے اس کے جنونی رویے کا اندازہ ہوتا ہے۔
عوامی ردعمل اور مطالبات
واقعے کے بعد سوشل میڈیا پر غم و غصے کی لہر دوڑ گئی ہے۔ صارفین “JusticeForSanaYousaf#” ہیش ٹیگ کے ذریعے مجرم کو سرِعام سزا دینے کا مطالبہ کر رہے ہیں۔
سول سوسائٹی اور خواتین کے حقوق کی تنظیموں نے اس قتل کو خواتین کے خلاف بڑھتے ہوئے تشدد کی ایک اور مثال قرار دیا ہے، اور حکومت سے مطالبہ کیا ہے کہ ایسے افراد کے خلاف سخت اور فوری قانونی کارروائی کی جائے تاکہ آئندہ کسی اور ثناء یوسف کو اپنی جان نہ گنوانی پڑے۔ثنا یوسف کو قتل کرنے والے کی تصویر منظرِ عام پر آگئی تحقیقات میں تیزی، عوام میں غم و غصہ کی لہر
